0 ден

Нема продукти во Кошничката.

ОФИЦИЈАЛНО

Латифи заминува од Вилијамс на крајот на 2022

- РЕКЛАМЕН ПРОСТОР -
- РЕКЛАМЕН ПРОСТОР -

Вилијамс официјално потврди дека Николас Латифи ќе го напушти тимот на крајот на оваа сезона.

Канаѓанецот го имаше своето деби во Формула 1 со Вилијамс на почетокот на минатата година со тригодишен договор, но се бореше да им парира на тимските колеги Џорџ Расел и Алекс Албон за време на неговиот престој во тимот. Заминувањето на канаѓанецот се очекуваше веќе неколку месеци, но Вилијамс ја потврди веста денескасњ, откривајќи дека неговињот договор нема да биде продолжен.

- РЕКЛАМЕН ПРОСТОР -

Вилијамс соопшти дека ќе ја објави замената за Латифи како тимски колега на Албон во догледно време.

Би сакал да ја искористам оваа прилика да им се заблагодарам на сите во Вилијамс Рејсинг, на сите луѓе во фабриката и на оние со кои работам покрај патеката во последните три години – рече Латифи во изјавата.

Моето првично деби во Ф1 беше одложено поради пандемијата, но на крајот тргнавме во Австрија и иако заедно не ги постигнавме резултатите за кои се надевавме, сепак тоа беше фантастично патување.

Добивањето на тие први поени во Унгарија минатата година беше момент кој никогаш нема да го заборавам и ќе преминам на следното поглавје од мојата кариера со посебни спомени од моето време со овој посветен тим. Знам дека никој од нас нема да престане да дава напор до крајот на сезоната.

Латифи не успеа да освои ниту еден поен во неговата прва цела сезона во Вилијамс бидејќи тимот се мачеше на задниот дел од гридот. Неговите први поени во Ф1 пристигнаа во Унгарија минатата година кога заврши седми, помагајќи му на Вилијамс да ги постигне своите први поени за повеќе од две години. Но, по неговиот судар во минатогодишното финале на сезоната во Абу Даби и влијанието на безбедносното возило во шампионатот, Латифи беше подложен на смртни закани и значително злоставување на интернет, што влијаеше врз него ментално.

Латифи не успеа да заврши трка повисоко од 12то место досега оваа сезона, додека и Албон и Ник де Врис, кој беше заменик на Албон во Монца, успеаја да освојат поени за Вилијамс. Шефот на тимот, Јост Капито, му оддаде почит на Латифи како одличен тимски играч кој има одличен однос кон своите колеги и работата и е сакан и почитуван во текот на целата работа.

Нашето време заедно сега завршува, но знам дека ќе вложи максимални напори за да го максимизираме она што можеме да го направиме заедно до крајот на оваа сезона. Му посакуваме многу среќа за неговата иднина, во и надвор од патеката.

Латифи во Зандворт рече дека нема да разгледува никакви други тркачки опции за 2023 година додека не се дефинира неговата иднина со Вилијамс, но шансите да остане на Формула 1 гридот изгледаат многу мали. Познато е дека Вилијамс размислува за Де Врис за постојано место следната година, но тимот се соочува со конкуренција и од Алпин и од АлфаТаури за потписот на холанѓанецот.

Друга опција за Вилијамс е еден од возачите на нивната академија, Логан Сарџент, кој моментално се трка во Формула 2 и му треба пласман во топ пет за да обезбеди суперлиценција.

- РЕКЛАМЕН ПРОСТОР -

Ново во Падок Клуб

Вандорн ќе вози и ВЕЦ годинава

Формула Е фабричкиот возач на Мерцедес и резервист во Формула 1 тимот, белгиецот Стофел Вандорн, ќе одработи...
- РЕКЛАМЕН ПРОСТОР -

Популарно

PSS ТЕХНИЧКИ ПРЕГЛЕД

Можеби ќе те интересира ...

Латифи доби 5 места казна за Јапонија

Николас Латифи доби казна од пет места на гридот во Јапонија за неговата вмешаност во инцидентот со...

Латифи ја прифаќа одлуката на Вилијамс

Николас Латифи целосно ја разбира одлуката на Вилијамс да не продолжуваат со него и следната година, признавајќи...

Албон се сомневал дека ќе се трка во Сингапур

Александар Албон вели дека првично се сомневал во неговото учество на Големата Награда на Сингапур овој викенд,...