Доктор Хелмут Марко од Ред Бул изјави дека Макс Верстапен имал одлични пеформанси во Канада откако на квалификациите тој беше класа за себе во влажни услови и ја освои пол позицијата со предност од 6 десетинки пред Фернандо Алонсо.
Но, големата предност исчезна со појавувањето на безбедносното возило што значеше жестока трка со Саинз до самиот крај.
Притисокот на крајот од Саинз беше огромен. Макс не успеа да го одлепи Карлос за да може да вози опуштено. Во вториот сектор Ферари беа пред нас. Секако клучна улога беа гумите кои беа постари од оние на Саинз. Да се издржи таков притисок му симнувам капа – посочи австриецот.
Верстапен успеа да го задржи Саинз зад себе без тимско радио.
Не му помогна ни тоа што Верстапен немаше радио. Не знаевме дали ја прими пораката дека може да вози побрзо.
