Алфа Ромео цели на поени на секоја трка откако направи огромен чекор напред по пласманот на 8мо место на крајот на ланската година со само 8 освоени поени за 17 трки.
Сега стојат цврсто во средниот ред на првата трка каде Џовинаци се квалификуваше на 12та позиција и тој и Раиконен трката ја завршија на 11то и 12то место.
Имавме солиден старт на сезоната и очекуваме да напредуваме. Имаме голем чекор во однос на перформанси, можеби најголем од сите во средниот ред и очекуваме да сме во топ 10 на секоја трка.
Минатата година во Имола го имавме најдобриот резултат и очекувам тоа да го повториме. Тешко е да се престаса на оваа патека и затоа квалификациите се клучни за да имаме добра позиција на трката и да освоиме поени – изјави фред васур, првиот човек на екипата.
Џовинаци изјави дека тоа што го видел од Бахреин им дава голема доверба за напредокот на тимот.
Знаеме дека ќе се бориме и мора да имаме мирен викенд за да поентираме. Разликите се мали и важни се квалификациите.