Себастијан Фетел неделава потпиша договор согласно кој во иднина ќе вози за фабричкиот тим на Астон Мартин, а од производителот побрзаа да му подготват Vantage AMR возило за неговите потреби.
Откако пред почетокот на сезоната Ферари објавија дека нема да ја продожлуваат соработката со германскиот четирикратен првак, Астон Мартин оваа недела официјално потврдија дека следната година тој ќе вози за нивниот фабрички тим. Германски Auto, Motor und Sport пренесува слики од најнов модел на Астон Мартни подготвен за нивниот нов пилот.
Се работи за моделот Vantage AMR со 510 коњски сили чија цена почнува од 185.000 евра, а произведени ќе бидат само 200 автомобили, најголем дел во сина, црна и бела боја, но за Фетел е изработена посебна сива нијанса. Моќниот мотор го придвижува овој Астон до 100 кмч за 4 секуди.
Подготвена е и посебна регистрациска табличка за сеуште актуелниот возач на Скудерија на која едноставно пишува SEB, по што пишува AM како скратеница за Астон Мартин и на крајот F1.