Макс Верстапен победи, доколку може така да се каже на трката во Белгија која поради огромни врнежи дожд не можеше да се вози и беше откажана по три круга зад безбедносно возило.
Холанѓанецот на квалификациите беше пред Џорџ Расел и Луис Хамилтон и никој не можеше да го помине зад безбедносно возило.
Поради тоа што не е извозена 75 посто од трката ќе бидат доделени половина од поените.
Најголем губитник на трката е Серхио Перез кој одејќи накај гридот излета на Лес Комбс. Иако Ред Бул го информираа Маси дека нема да стартуваат сепак со одложувањето на трката добија дозвола да го поправат болидот.
Во текот на круговите зад безбедносното возило Џорџ Расел се пожали дека не гледа ништо пред него и подоцна слична изјава дадоа повеќе од возачите.
По одложување од неколку часови трката започна во 18:17 минути повторно зад безбедносно возило но сеуште многу врнеше.
Ленс Строл мораше да се јави кај стујардите бидејќи добил ново задно крило во меѓу време.
По неколку круга возачите повторно почнаа да се жалат возејќи зад безбедносно возило и трката официјално беше откажана.
