Шефот на Ферари, Матиа Биното, верува дека неговиот тим можеби ќе можел да ја постигне победата на трката во Сингапур доколку стартот бил подобар за Шарл Леклер.
Покрај победата на Серхио Перез од Ред Бул на Големата Награда на Сингапур, двајцата возачи на Ферари го комплетираа подиумот со Шарл Леклер на второ место пред Карлос Саинз на третата позиција. Моначанецот ја зазеде пол-позицијата, веднаш пред Перез, но загуби од мексиканецот до првата кривина.
Податоците покажаа идентични времиња на реакција за двајцата стартери од првиот ред, но Перез имаше многу поголема влечна сила како што се зголемуваше брзината, давајќи му јасно водство во зоната на сопирање во првиот свиок. Леклер никогаш не успеа да ја врати позицијата од Перез, а водечкото дуо лесно се оддалечи од Саинз пред првиот прекин на безбедносното возило.
Двојката повторно се оддалечи за време на средната фаза од трката откако безбедносното возило го здружи гридот, при што Перез имаше темпо да се оддалечи од Леклер во незгодните влажни услови. Но, по уште едно безбедносно возило и префрлување на мазни гуми, Леклер го стави Перез под многу поинтензивен притисок. Перез го издржа нападот за да заврши со повеќе од седум секунди предност.
Биното верува дека доколку Леклер се задржал во водството, конечниот резултат би можел да биде во полза на Ферари.
Мислам дека почетокот не беше одличен. Ја загубивме пол позицијата на стартот и тоа се одрази на остатокот од трката. Така, ако имавме подобар старт, мислам дека ќе добиевме подобар резултат – свесен е швајцарскиот инженер.
Објаснувајќи го редоследот на стартот, Биното рече дека неговиот возач немал среќа бидејќи едноставно немал доволно грип на асфалтот.
На самиот почеток, мислам дека Шарл имаше добро време на реакција. Тој одеше добро во однос на процедурите, но подоцна, имаше премногу вртење на тркалата бидејќи имаше премал грип. ќе го разгледаме сето тоа бидејќи тоа влијаеше на остатокот од трката.
Мислам дека завршувањето на второто и третото место во генералниот пласман е сепак добар резултат. Ако гледаме во однос на шампионатот за конструктори, тоа беше добар викенд.
Држејќи се до позитивните страни на викендот додека Ферари ја зголеми својата разлика во однос на Мерцедес за да го зацврсти второто место со пет преостанати трки во 2022 година, Биното рече дека болидот добро реагирал во сите услови во текот на трите дена на Марина Беј.
Мислам дека генерално болидот работеше добро на влажно, на суво, вчера на квалификациите и денес на трка. Можеме да бидеме задоволни бидејќи гледајќи назад во Спа или Зандворт, беше потешко. мислам дека решивме некои од проблемите што ги имавме.
На крајот, бевме брзи на суво кога се префрливме на мазни гуми. Бевме храбри да бидеме првите кои се префрливме на мазни помеѓу нас и Чеко Перез. Мислам дека добро поминавме на влажно и на суво и мислам дека тоа е најпозитивното од викендот.