Волф: Астон Мартин мора да цели на врвот

Австрискиот шеф на шампионски Мерцедес и акционер во компанијата Астон Мартин, Тото Волф, очекува дека фабричкиот тим на Астон Мартин да блесне во Формула 1 оваа година.

По преземањето на Форс Индија од страна на Лоренс Строл, богатиот канаѓанец го преименува тимот во Рејсинг Поинт и минатата година импресионираше со болидот. Годинаа екипата целосно се ребрендира во фабричка екипа на Астон Мартин и се очекуваат уште подобри резултати.

Ако носите име на производител на автомобили со толку голема традиција, мора да имате амбиции да бидете напред. Ова е исто така додаток за Формула 1 со одличен бренд.

За Себастијан Фетел и Ленс Строл, ова ќе биде прва проверка на реалноста и ќе биде фасцинантно за мене да го гледам и Астон Мартин – најави волф.

Што се однесува до другите ривали на Мерцедес, Волф смета дека најтешкиот предизвик ќе биде Ред Бул.

Мекларен ќе биде добар за големи изненадувања, Рикардо е позната фигура, а јас многу го ценам Ландо Норис.

Ќе биде возбудливо да се види како Карлос Саинз оди против Шарл Леклер. Ферари ќе биде посилен отколку што беше во 2020 година и тоа мора да се случи. Тие минатата година имаа и слаба шасија, па претпоставувам дека грешките се исправени.

Волф го коментираше дебитантот Мик Шумахер и го повика светот на Формула 1 малку да го остави “на мира“.

Мик е секако од голема вредност на Формула 1, но треба да му дадеме време да добие основа во оваа средина.

Веројатно уште поинтересно, рече Волф, е враќањето на Фернандо Алонсо во тркачката серија.

Она што е навистина интересно е споредбата помеѓу овие многу млади, скоро тинејџери возачи со 40-годишниците.

Фернандо е еден од најталентираните возачи, еден од најсилните борци, кој дефинитивно ќе биде конкурентен. Сосема сум сигурен дека тој ќе сака да покаже дека сè уште може да го стори тоа.

СЛИЧНИ ВЕСТИ

#сингапур

популарни вести

РЕЗУЛТАТИ 2023

НАЈНОВИ ВЕСТИ