Роман Гросжан потврди дека тимскиот шеф на Мерцедес, Тото Волф, му се јавил за можен проштален тест.
Французинот не беше задржан од Хаас по сезоната 2020 и неговото време во Формула 1 заврши со застрашувачка несреќа на трката за Големата награда на Бахреин, поради која ги пропушти последните две трки.
Разбирливо, тоа не беше начинот на кој Гросжан сакаше да го затвори своето поглавје во Формула 1, бидејќи дебитираше уште во 2009 година, но од скоро се зборува за можно проштално возење во Формула 1 болид за Гросжан пред да премине во следната фаза од неговата кариера во Индикар.
Еден тим кој истакна дека се заинтересирани да го остварат тоа беа Мерцедес, а Гросжан потврди дека имал телефонски повик со Волф за да разговара за тоа. Сега тие планови треба само да се финализираат.
Да, да. Имав телефонски повик со нив и го финализираме планот. Мислам дека ќе биде мега – изјави Гросжан.
Хаас избра да оди со целосно дебитантска постава оваа сезона ангажирајќи ги Мик Шумахер и Никита Мазепин откако ги ослободија Гросжан и Кевин Магнусен. Но, Гросжан очекува да се истакне уште едно ново лице на гридот на Формула 1. Тој возач е Јуки Тсунода од АлфаТаури, кој напредува по завршувањето на трето место во Формула 2 сезоната.
Дебитант на годината во 2021 година дефинитивно ќе биде Јуки Тсунода. За мене тој е многу талентиран, многу кул момче, затоа гледам добри работи за него во Формула 1.