Два производитела на автомобили се подготвени да влезат во Формула 1 во блиска иднина.
Eден од нив всушност не е Порше, откако сестринскиот производител на автомобили во сопственост на Фолксваген, Ауди, се пријави за новите правила за мотори од 2026 година. Одделните преговори на Порше со Ред Бул пропаднаа, а гласините за алтернативен договор со Вилијамс сега се верува дека е далеку од реализација. На Ред Бул не им се допадна идејата да ја изгуби својата славна независност, но сега може да тргне во соработка со Форд за својат нов оддел на Ред Бул погонски агрегати.
Зајакнувањето на гласините за Форд се должи на одлуката на Ред Бул да ја започне својата Формула 1 сезона за 2023 година во Њујорк на почетокот на Февруари.
Втор производител на автомобили во Ф1 во блиска иднина би можел да биде Џенерал Моторс и покрај фактот што постоечките тимови не се задоволни со идејата за сосема новата екипа на Андрети Кадилак. Тоа е затоа што Кадилак планира повеќе договор за ребрендирање на моторот можеби со Алпин, односно Рено, наместо самостоен Формула 1 мотор од 2026 година.
Потпишавме договор со добавувач за мотор – потврди претседателот на ЏМ, Марк Ројс.
Ако продолжиме напред, ќе донесеме многу од нашето знаење за да ги развиеме работите и во иднина.
Претседателот на ФИА, Мохамед Бен Сулајем, сака да ги види Кадилак и ЏМ на гридот.
Зборував со Марио и Мајкл Андрети на тркачкиот викенд во Мајами. Бевме многу јасни во нашиот одговор во тоа време дека Сакаме производител и Му рековме на Андрети да работи со еден ако се сериозни во врска со тоа. Ги охрабривме и испорачаа.
Како би можеле да не прифатиме некој како ЏМ? – додаде Бен Сулајем.
Всушност можеме да додадеме уште два тима. Така велат правилата. Ако тие се веродостојни и покажуваат вредност за бизнисот, тогаш треба да дозволиме нови тимови да влезат.
Бен Сулајем заклучи со примамливо откривање дека можеби веќе следната недела, друг производител би можел да потпише намера за учество со правилата за мотори од 2026 година.