По најавата дека Хонда ќе соработува со Астон Мартин од 2026 година, следствено ќе има шест производители на Формула 1 гридот.
Главниот извршен директор на тркачката серија, Стефано Доменикали, го поздрави партнерството на Астон Мартин со Хонда кое е доказ за атрактивноста на спортот и привлекувањето на големите производители на автомобили.
Ова се одлични вести за Формула 1 дека Хонда ќе биде партнер на Астон Мартин од 2026 година. Тоа е уште еден доказ за растот на брендот и големиот потенцијал ако се знае дека одиме на одржливи горива од 2026 година и доказ за вистинскиот пристап кој го нудиме за намалување на загадувањето. Тука е и неверојатната подршка од Астон Мартин и едвај чекаме да го видиме партнерство во акција – возбуден е италијанецот.
Објавата значи дека покрај Мерцедес, Ферари, Рено и Ауди, официјално ќе се приклучи и Хонда со Форд кој ќе соработува со Ред Бул. Сеуште се разгледува и можноста на Џенерал Моторс да влезе со Кадилак доколку Андрети се приклучи на гридот.