Екипите ќе заштедат и на котизациите за следната година, помалку пари за Ф1

Помалиот број на трки оваа сезона значи дека екипите ќе платат помала сума за учество во првенството оваа година, а таа разлика кај Мерцедес е над 1 милион долари.

Првичниот план беше рекорден календар од 22 трки, но пандемијата многу рано ги откажа првите 10 настани, по што ФИА и Ф1 склопија календар од 17 настани, главно во Европа.

Намалената можност за освојување поени значи дека котизациите кои се базираат на освоените поени на крајот од сезонат ќе бидат намалени, нешто што е во интерес на екипите, но на штета на спортот.

Како дел од ретруктуирање на финансискиот дел во Формула 1 од 2013 година со цел и ФИА да добие дел од колачот, договорено беше екипите да плаќаат котизација, односно сума за учество во првенството врз база на освоените поени претходната година. Таквите трошоци може да бидат ексртремно високи, а лани шампионскиот Мерцедес плати речиси 5,5 милиони долаери.

Секоја екипа плаќа основна котизација од 556,506 долари која се плаќа штом се привјави тимот да учество во спортот. Понатаму, шампионите плаќаат дополнителни 6,677 долари за секој освоен поен во сезоната во која освоиле титула, додека останатите плаќаат по 5,563 долари за секој поен. Овие пари треб да се платат еден месец по последната трка кога се дефинирани поените.

Со својата 7ма титула, Мерцедес повторно ќе плати најмногу пари, но истиот износ ќе биде помал од ланскиот. Со своите 573 освоени поени, споредено со 739те лани, “сребрените стрели“ ќа платат 4,382,430 долари откако лани платија 5,490,812 долари.

Но, многу пари оп овој основ ќе заштеди и Ферари, само поради тоа што лани беа одлични, а годинава очајни. Минатата сезона од Маранело платија 3,360,261 долари за своите 504 освоени поени, додека сезонава за своите лоши 131 поен ќе платат 1,285,262 долари.

Најголем губитник од оваа ситуација и намален календар кој носи помалку поени е ФИА, така што со губење на 5те трки Федерацијата ќе инкасира 2,837,130 долари помалку.

2021