Се чини дека многу одамна Нико Розберг си замина од тимот на Мерцедес и на негово место дојде Валтери Ботас, но всушност поминаа само пет години.
Многумина веруваат дека тоа треба да го направат сите спортисти, да си заминат кога се најдобри. По долга борба, Розберг го победи својот тимски колега Хамилтон и дојде до титулата, но веднаш по освојувањето на истата, синот на Кеке Розберг реши да си замина.
Неговите колеги и сеуште актуелни членови на Мерцедес, Ендру Шовлин и Џејмс Вауелс, споделија момент од работата со двајцата возачи.
Доколку му дадевте на Нико илјада кругови тој полека ќе дојдеше до неверојатни перформанси. На Луис ќе му дадете два и тој веќе е таму и тоа има смисла.Таму каде што Нико беше одличен е да види што како прави неговиот колега и како да го стигне тоа.
Во врска со моментот кога двајцата дознале дека Нико ќе се повлече, го открија следното:
Тото не повика во канцеларијата и ние не знаевме што да очекуваме. Тото имаше листа од пет работи кои требаше да ни ги каже, но заминувањето на Нико не беше на таа листа. Тоа беше бизарен момент.
Тој по напорната работа побарал да биде раскинат неговиот договор. Тој можеби немаше да го победи Луис повторно, но имаше добар болид за победа и беше дел од тим за кој правеше нешто неверојатно.