Роберт Кубица ќе остане активен тркачки возач и оваа година, откако поранешниот возач на Вилијамс потврди дека ќе учествува во германската ДТМ серија со екипата на АРТ Гранд При.
Присуството на Кубица во конкурентно првенство е благодарејќи на полската компанија за гориво и негов личен спонзор, ПКН Орлен. 35-годишниот возач добро ја искористи својата мрежа на врски за 2020 година бидејќи АРТ Гранд При е екипа основана од шефот на Алфа Ромео Рејсинг, Фредерик Васур, кој направи договор со Орлен за оваа сезона во Формула 1, а Кубица беше ангажиран како резервен возач на Алфа Ромео.
Кубица ќе се трка со автомобил БМВ М4 во 20те трки во ДТМ сезонава, еден од 7 автомобили кои се снабдувани од германскиот производител на повеќе екипи. Полјакот го тестираше автомобилот во Декември во Херез, но враќањето на АРТ во ДТМ е помалку изненадување, особено навремено за Кубица.
ДТМ ме привлекува подолго време, а тестот во Херез ми овозможи вистински вкус за тоа што ме очекува. Сметам дека ДТМ е една од најсилните и најдобри тркачки серии во светот. Очигледно, мора да се здобијам со искуство споредено со постоечките ДТМ тимови, но ќе работам напорно за да подобрам постојано. Едвај чекам да почнам.