“Колку? – 6 месеци“ (следи плех музика). Фернандо Алонсо како да се најде на сцената од хит серијата К15 кога добиваат виза за Грција, откако возачот конечно доби дозвола и одобрена виза да отпатува во САД и да учествува на овогодинешното издание на Инди500.
Поради кризата со КОВИД-19 во Америка, Алосно наиде на застој во административниот процес за да ги добие потребните дозволи и виза, односно П1А-Атлетичарска виза, потребна за индивидуални спортисти со меѓународно признато ниво на перформанси.
Земајќи предвид дека Инди500 се ближи, извршниот директор на Мекларен, Зек Браун, призна дека поминале низ многу нервозен период чекајќи да дознаат дали визата на Алонсо е одобрена.
Проблемот е решен, визата е одобрена неделава. Можам да ви кажам дека кога добив повик сеуште не беше разрешена ситуацијата, но сега се е средено и Фернандо ќе отпатува во Америка следната недела.
За да пристигнете во САД и да се натпреварувате како спортист, постои посебна виза за професионални спортиси и истата не беше одобрена. Визата ја процесираат во Калифорнија, а тие одговараат кога ќе одговорат. Откако ќе го добиеше одобрението, тој требаше да се појави во амбасадата во Мадрид. Никогаш немаше проблем, но како што може да замислите, со ситуацијата во САД, за да се помине низ сите владини процеси е потребно време.