Шарл Леклер смета дека созреал многу сред проблемите кои ги искусува сезонава со Ферари.
Леклер стигна до два подиума до сега во 2020 година, но формата на Ферари е драстично влошена во однос на 2019 година. Моментално тимот е на шесто место во пласманот и се движи во насока да го имаат најлошиот пласман во 40 години.
Сепак, Леклер верува дека и покрај проблемите, тој се подобрил како возач.
Дефинитивно е поинаква слика споредено со претходната сезона. Имаме потешкотии како тим, но секогаш се учи додека се поминува низ тие тешки моменти. Од нас зависи да останеме мотивирани, што е најтешко во моментов.
Возењето на Ферари е мотивација само по себе, со тоа немам проблем, многу сум мотивиран и сакам да ја променам ситуацијата. Имам долгорочно партнерство со тимот и одвај чекам да направиме пресврт.
Не е лесно, но работиме напорно за да се вратиме на врвот, но сепак мислам дека созреав многу годинава.