Русинот Никита Мазепин изјави дека не е заинтересиран за влез во американската Индикар тркачка серија.
Иако беше отпуштен од Хаас поради инвазијата на неговата родна Русија над Украина, тој е оптимист дека еден ден ќе се врати во врвната моторспорт тркачка серија.
Сигурен сум дека во иднина ќе може да се вратам, Затоа тежнеам кон тоа и се подготвувам за да можам да влезам во Формула 1 кога ќе дојде време и кога ќе ми се укаже прилика – посочи русинот.
Тој смета дека тимовите ќе бидат заинтересирани за соработка кога ќе заврши конфликтот во Украина.
Формула 1 е приватен бизнис и тимовите сами носат одлуки. Мојата ситуација нема врска со Формула 1, Тие не ме исклучија од ништо.
најсилните екипи трошат милијарди долари и сметам дека еден ден ќе бидам дел од таа индустрија како бизнисмен, Но не сум заинтересин за Индикар. Секако не можам да кажам што ќе биде утре со мојата кариера.