Поранешниот возач на Ферари, бразилецот Фелипе Маса, смета дека Карлос Саинз има способност да постигне успех за себе и за Скудерија во Маранело.
Трансферот на Саинз во Ферари доаѓа по шест години поминати во средината на Формаула 1 гридот со тимовите на Торо Росо, Рено и Мекларен. Матиа Биното изјави дека ангажманот на Саинз е на некој начин ризик за тимот, но Маса, кој помина 8 години со тимот од Маранело, смета дека тоа може да биде голем успех.
Така мислам, ќе зависи од него. Ќе мора да почекаме и да видиме во првата година, но тој има талент и способност. Важно е да запомниме дека Ферари поминуваат низ тежок период, мора да се вратат на врвот, бидејќи немаат освоено титула од 2008 година иако беа блиску со Алонсо.
Сакаат да се подобрат и мислам дека со двајца млади возачи ќе биде интересно.
Саинз во својата прва година возеше покрај Макс Верстапен, тоа беше близок дуел. Тој покажа низ годините дека стекна искуство, а минатата година импресионираше со Мекларен.
Мислам дека ќе заврши одлична работа во Ферари, тој има искуство, тој е паметен, нема порази и може да импресионира во голема екипа како Ферари.