Организаторите на трката за Големата награда на Мајами преговараат со шефовите на Формула 1 за организирање на ноќна трка.
Формула 1 се труди да донесе нови идеи и сега се размислува за Мајами да стане ноќна трка. Том Гарфинкел кој е менаџер на Мајами Гранд При, изјави дека разговарале за ноќна трка.
Имавме некои дискусии за да го направиме тоа, Но времето е непредвидливо и може да има ветер иако минатата година беше неверојатно топло. Има повеќе фактори за таа одлука и зборуваме со Формула 1 и телевизиите, Но сме отворени за тоа.
Еден од факторите за тоа Мајами да не е ноќна трка е временската разлика со Европа поради што гледаноста на “стариот континент“ ќе биде мала. Мајами е пет часа разлика со Лондон додека Лас Вегас е осум часа и ноќна трка е возможна бидејќи ќе биде рано во недела наутро во Европа.
Не сме во позиција да донесеме одлука, но ги разгледуваме можностите.