Мајк Елиот, техничкиот шеф на Мерцедес, потврди дека тимот ќе носи надградби на Силверстон во обид да го забрзаат болидот.
Екипата доста напредна во Монтреал откако го крена болидот и се намали потскокнувањето, но сега носат надградби за да се приближат до Ферари и Ред Бул. Откако се помачи да излезе од болидот во Баку, Хамилтон изјави дека потскокнувањето драстично е намалено во Монтреал.
Една работа за која сме сигурни е дека одиме напред. Носиме надградби во Силверстон за да го забрзаме болидот и да извлечеме максимум од пакетот. Мислам дека во исто време мора да сме искрени со себе и да се приближиме до Ферари и Ред Бул. Сакаме да имаме нормална трка.
По три последователни улични трки, Формула 1 следниот викенд оди на Силверстон и нормалните тркачки патеки за кои Елиот се надева дека Мерцедес ќе работи подобро.
Силверстон е патека која повеќе ќе ни одговара, како Барселона, иако се мачевме таму. Нашите возачи одат напорно напред за да се вратиме на победите. Сакаме да победуваме за нас и нашите фанови.