Проблемите на Мерцедес оваа година не се толку големи за Извршниот директор на германскиот производител на автомобили да размислува да се повлече од Формула 1.
Тото Волф вели дека да се биде во “ничија земја“ зад Ред Бул и Ферари во моментов е толку болно што е досадно, бидејќи тимскиот шеф гледа кон надградби и споредба со болидот со спецификации од Барселона. Извршниот директор на Даимлер и Мерцедес, Ола Калениус, сепак, вели дека брендот е посветен на Формула 1, дури и за преминот кон уште позелени регулативи за мотори од 2026 година.
Решивме да одиме по овој пат на декарбонизација. Тоа е единствената одлука што можеме да ја донесеме, а истото важи и за Формула 1.
Следните регулативи за моторот ќе му дадат многу поголемо значење на електричниот дел и постои јасна посветеност Формула 1 да биде неутрална за CO2.
Технологијата на батериите сè уште не е усовршена. Но, да се ослободиме од CO2 и да ставиме поголем акцент на електрификацијата гарантира дека Формула 1 останува многу релевантна и дека ние ќе останеме – потврди калениус.
Тој признава дека е обожавател и на правецот во кој Формула 1 се упати по преземањето на Либерти Медиа, вклучувајќи ја и контроверзната драматична серија на Нетфликс, Drive To Survive.
Drive to Survive ја промени играта, затоа ние сме среќни што сме дел од ова шоу и што сме една од силните страни на Формула 1, искористувајќи ја и за нашиот технолошки развој и за маркетинг. Што се однесува до нас, Формула 1 има светла иднина пред себе.