Младиот Петар Богатиновски со своите успеси во картинг првенствата се покажа како наша најголема идна ѕвезда во светскиот моторспорт, но тој сега и докажа дека е еден од најголемите таленти.
Богатиновски ја освои титулата во ЦЕЗ (Централно Европската Зона) настапувајќи во оваа серија оваа година, а воедно учествуваше и во ССК – спорт стил куп, каде исто така ја освои титулата. Со освојување на титулата во ЦЕЗ, тој обезбеди учество на светското големо финале во Бахреин, кое ќе се одржи од 11 – 18 Декември годинава.
Финалето во Бахреин ќе биде домаќин на сите шампиони од целиот свет, меѓу кои и Петар, а организаторите ќе доделат картингзи и мотори по пат на лотарија.
