Мотоспортот во Русија сè уште може да напредува дури и во услови на конфликт со Украина, инсистира поранешниот руски Формула 1 возач Виталиј Петров.
Никита Мазепин и Уралкали беа исфрлени од тимот на Хаас на почетокот на војната минатата година, при што ФИА сега бара од сите руски спортисти да го преземат статусот на неутрален спортист и да потпишат посебен документ. Но, дури и покрај тие и други ограничувања наметнати на русите, вклучително и целосно откажување на трката во Сочи, Петров вели дека рускиот моторспорт сè уште може да напредува.
Ние имаме свои патеки, имаме свои автомобили, така што нашиот моторспорт не мирува – рече поранешниот возач на Рено, кој сега е функционер во руската автомобилска федерација.
Тоа стана уште посилно, бидејќи има многу натпревари на кои сега се тркаат нашите спортисти кои се вратија во Русија. Тие ја продолжуваат својата кариера тука, па генерално, моторспортот добива уште поголем замав.
Руските возачи сè уште можат да се тркаат во Европа како неутрални спортисти, но многу горди сонародници одбија да го сторат тоа, објасни Петров.
Немаме никакви забрани, но за жал, не можеме да се тркаме во Европа под руско знаме. Од нас се бара и да потпишеме дека ќе го сториме тоа.
Но, во Русија, моторспортот сè уште се развива независно од меѓународната страна.