Италијанскиот доставувач со гуми во Формула 1, Пирели, најави трка со една промена на гуми низ улиците на Баку.
Како најбрза стратегија италијанците најавуваат стартување со жолто маркираниот медиум и возење 18-23 кругови со него пред да се промени на најтврдата гума.
Како алтернатива на тоа е старт со црвено маркиран софт и возење 14-20 кругови со него пред да се префрли на бело означениот хард.
Можно е тркање и со две промени на гуми и тоа 10-15 кругови на жолтиот медиум со кој би се стартувало, следните 25 кругови на хард и од 40от круг на софт за брз последен дел.
