По двете одработени тренинг сесии во Петок, анализата на податоците покажа дека Ред Бул повторно има предност во текот на еден летечки круг.
Анализата вели дека летечкиот круг на “биковите“ е 14 стотинки побрз од оној на Ферари, додека Астон Мартин заостанува двојно повеќе, а четврта екипа е Мерцедес со околу 4 десетинки заостаток. За 5то место би требало да се борат Алпин и Мекларен кои се само 3 стотинки еден од друг, а најнеконкурентен се чини Вилијамс.
Поради прекинеит на сесијата и дождот кој паѓаше во време кога се симулираат трки, податоците за долгите серии изостанаа, но перформансите на болидите кажуваат многу.
Бавните кривини се најсилен сегмент на Мекларен, а побрзи од Ред Бул на спорите свиоци се и Мерцедес и Ферари. Летечките кривини се сегмент каде доминира Ред Бул, а Мекларен им се најблизок конкурент, додека на правците најблиску до “биковите“ се Алпин.