Џорџ Расел вели дека неговиот тим на Вилијамс треба да размисли за тоа како да го извлече најдоброто од интермедиа гумите по тешката трка во Турција.
Расел имаше тешка неделна трка по грешка на последниот свиок од последното возење во вториот квалификациски сегмент, грешка што го остави на само 13то место на гридот кога имаше перформанси да стигне до топ 10.
Потоа загуби две места во раните кругови на влажната трка и заврши на 15то место до крајот на попладнето, не можејќи да постигне напредок. Младиот британец прзна дека било тешко да се справи со менаџирањето на гумите на патека која остана влажна во текот на целата трка.
Неверојатно е тешко кога треба толку да менаџирате со гумите. Неверојатно е незгодно да се знае колку е тешко да се притисне, особено кога не се суши.
Патеката не се сушеше, па дури и да не врнеше, веројатно ќе беше влажно со часови. Тоа беше голем предизвик, така што мислам дека не завршивме одлична работа, но не направивме лоша работа. Не беше лесно.
На Расел трката му беше незгодна и на истрошени и на свежи интермедиа.
Ако премногу притискате, абењето на гумата се зголемува, а потоа кога ќе стигнете до влажните делови на патеката, едноставно немате грип.
Се вративме кога ги ставивме новите гуми и тие навистина не функционираа добро, бидејќи шарата е многу поголема, а потоа и на сувите делови на патеката исто така не беа соодветни.
Како што реков, два пати сега бевме во овие услови и се мачевме двата пати. Вообичаено сме добри кога се или влажни услови или преминуваат во влажни услови. Значи, за оваа средна фаза треба да размислиме малку – објасни расел.
Џорџ призна дека загубените позиции поради неговата грешка во квалификациите не помогналe, но тој призна дека дури и ако тргнел повисоко, можеби недостасувала потребната брзина за да се држи до добар резултат.
Потенцијално можеше да биде поинаку, но генерално целокупното темпо навистина не беше таму. Се боревме минатата година во овие услови. Не е влажно, не е суво, вие сте некако во ничија земја.
И кога треба да управувате со гумите, Свиокот број 8 е најтешкото бидејќи беше релативно суво, колку силно да притискате? Се обидував да разликувам многу работи и да бидам искрен, ништо навистина не функционираше. Така, тешко попладне.