Џорџ Расел овој викенд ќе вози со посебна кацига која е посветена на Френк и Клер Вилијамс кои го напуштија тимот оваа сезона.
Со враќањето на Луис Хамилтон по неколкуте негативни тестови на Ковид-19, Расел се враќа во неговиот тим. Вилијамс имаше неколку тешки сезони и оваа година има нов менаџмент и нови сопственици.
Како резултат на тоа, Френк Вилијамс, кој го основаше тимот во доцните седумдесети и неговата ќерка Клер која го наследи ги напуштија своите позиции во тимот. Расел на оваа трка ќе го слави успехот на тимот од последните четири декади.
Френк, Клер ова е за вас да го прославите успехот во Формула 1. Ви благодарам за се што направивте за мене и спортот. Се надевам ќе ви се допадне.
Расел останува во Вилијамс и наредната година покрај Николас Латифи. На една трка до крајот тие сеуште немаат освоено поени.
Frank, Claire, this one is for you, to celebrate your incredible journey in F1. Thank you for all you’ve done for me, the team and the sport. Hope you like it 🙏 pic.twitter.com/3O1mmXBy7X
— George Russell (@GeorgeRussell63) December 11, 2020