Даниел Рикардо ќе вози еден од автомобилите на Дејл Ернхард од Наскар на Големата награда на Америка, откако го освои својот облог со шефот Зек Браун.
Откако се приклучи на Мекларен на почетокот на сезоната, Рикардо прифати облог со Браун околу постигнување на првиот подиум за тимот. Со сеуште свежи спомени за познатиот облог на тетоважа на Рикардо со неговиот поранешен шеф на Рено, Сирил Абитебул, Браун сакаше да избегне каква било физичка непријатност од иглите, па затоа се одлучи за тркачки поттик.
Со оглед на тоа што Рикиардо е голем обожавател на Дејл Ернхард Сениор кој се тркаше со број 3 на НАСКАР, Браун сметаше дека награда на таа тематика ќе биде најдобра.
Откако му го поклони моделот на Шевролет Монте Карло од Ернхард од 1984 година како бонус за потпис, Браун му вети на Рикардо вистинско излегување во болидот доколку постигне подиум.
Мислам дека по првиот подиум ќе добиеш шанса во вистинскиот автомобил – објасни Браун тогаш.
Автомобилот на Ернхард е дел од колекцијата на приватни автомобили на Браун, која вклучува голем број спортски автомобили и Формула 1 болиди
И покрај тешката прва половина од сезоната, Рикардо го испорача првиот подиум на Мекларен со 1-2 за тимот на Големата награда на Италија. Не беше јасно кога ќе се појави најдобрата можност за возењето во Наскар, но Рикардо истакна дека постои можност тестот да се одржи во Остин.
Мислам дека тоа ќе се случи во следните неколку месеци. Не знам дали тоа може да се случи во САД, Ќе видиме, Знам дека автомобилот е во Европа во моментов, но можеби ќе го испратат во Остин за да направи неколку круга во Тексас.
Сега, Мекларен потврди дека трката Наскар навистина ќе се случи во текот на викендот во Остин. На твитер тие ги потврдија плановите, иако не беа откриени повеќе детали.
Меѓутоа, веројатноста е дека Рикардо ќе вози за пред викендот во Остин, исто како што направија дуото на Хаас, Кевин Магнусен и Ромен Гросжан кога испробаа Наскар автомобил во 2019 година.