Поранешниот Формула 1 шампион, Нико Розберг, е среќен што нема да се трка во Саудиска Арабија бидејќи патеката според него е доста опасна.
Формула 1 за прв пат гостува на патеката Џеда Корниш каде и покрај многуте предупредувања, имаше само еден инцидент. Возачот на Ферари, Шарл Леклер излета и заврши во бариерите на 22от свиок и тоа под огромна брзина.
Возев неколку кругови на симулатор и можам да ви кажам дека патеката е луда. Брза е и нема каде да се излета. Има свиоци каде се влегува со цела брзина и веднаш до тебе е ѕидот. Ќе биде лудо.
Мислам дека сум многу среќен што не сум повеќе Формула 1 возач. Многу е ризично и среќен сум што не сум во болидот. Ќе биде возбудливо и се надевам сите ќе бидат безбедни – посака нико.
Гужвата на патеката ќе биде од клучно значење на квалификациите и Розберг ги советува возачите да внимаваат.
Тоа е главниот предизвик. Проблемот е што сите ќе стартуваат и има многу песок и понекогаш е лизгаво, Но кога ќе се најде ритам не смее да се направи грешка. Ова е огромен предизивк.