Луис Хамилтон стигна до својата 103та пол позиција во епска борба со Макс Верстапен во која холанѓанецот не го издржа притисокот, погреши во својот летечки круг и заврши странично во оградата.
Мерцедес го освои првиот ред, додека Верстапен и Леклер ќе тргнат од вториот, а поддршката на Макс, Серхио Перез имаше 5то време.
По првите 18 минути, Серхи Перез на Ред Бул постави најбрзо време, беше за нецели 4 стотинки побрз од Валтери Ботас и нецели 2 десетинки побрз од Даниел Рикардо. Валтери Ботас доби користен мотор во пресрет на квалификциите, но пријави нерамномерна работа и едвај се “доклацка“ до боксот во својот последен обид.
Два болид на Хаас, два болиди на Астон Мартин и еден Вилијамс не минаа понатаму, а “господин Сабота“ односно Џорџ Расел со фантастичен круг мина во К2.
На Николас Латифи му недостасуваа повеќе од 2 десетинки за да напредува, а беше само две стотинки побрз од Себастијан Фетел кој ќе тргне до него. Себ беше две десртинки побрз од својот колега, Мик Шумахер заостана десетинка зад канаѓанецот, а Мазепин беше надвор од игра со 2,5 секунди од времето на Перез.
Средните 15 минути од квалификациската сесија, доцен летечки круг и најбрзо време постави Хамилтон кој заврш 2 десетинки пред Макс Верстапен и Серхио Перез кои беа водечки во најголем дел од К2.
Карлос Саинз имаше излетување кон средина на сесијата, но ни самиот не знае како спаси жива глава и успеа само да го допре болидот во оградата. Промени гуми и крило, се врати на патеката, но под голем притисок не успеа да испорача, погреши во летечкиот круг и ќе тргне од 15то место.
Даниел Рикардо беше најбрз од отпаднатите откако за само половина десетинка имаше побавен круг од Антонио Џовинаци на Алфа Ромео, а беше десетинка пред втората Алфа возена од Кими Раиконен. Фернандо Алонсо едвај 3 стотинки зад финецот ќе тргне од 13то место, а Џорџ Расел беше 14ти.
Луис Хамилтон го уништи својот прв обид за летечки круг, но неговиот колега беше тука да извози фантастичен круг од 1.28.1. Луис имаше одличен втор обид и извозе десетинка побрзо од својот колега, но следуваше кругот на Верстапен, кој подоцна излезе на патеката и имаше најбрзо време викендов со неверојатни 4 десетинки побрзо време од Мерцедес и прво време под 1 минута и 28 секунди викендов.
Во меѓувреме, Серхио Перез постави 4то време, а Норис, Тсунода и Леклер беа зад него. Следната серија летечки кругови изненади Хамилтон со круг побрз од неверојатниот на Верстапен за дури 14 стотинки, следуваше обидот на Макс. Верстапен имаше неверојатн круг и 24 стотинки по второто местно место, но претера и заврши странично во оградата, не го оштети многу болидот, но не можеше да продолжи.
Така, Хамилтон десетинка пред Ботас кој има 3 стотинки предност пред Верстапен, а Леклер со извонреден круг буквално рпед сударот на Макс, ќе тргне од 4то место. Третиот ред за Серхио Перез кој беше половина десетинка зад Ферари и Пјер Гасли кој заостана невидливи 2 илјадитинки за Ред Бул. Мекларен со Норис беа 7ми и ќе стартуваат од исти ред со Тсунода, додека Окон и Џовинаци беа посленди во К3 и единствени со над секунда заостаток.