Тимскиот шеф на Мекларен, Андреас Сеидл, им се извини на Даниел Рикардо и Ландо Норис што не успеаја да им достават пакет што го заслужија на денот на трката во Монтреал.
Мекларен ја напушта Канада со нула поени откако Рикардо заврши надвор од првите десет, додека Норис ја заврши својата трка со слабo 15то место. Рикардо се квалификуваше за 9то место и се држеше меѓу првата половина од гридот се додека префрлувањето од средната на тврда гума под виртуелното безбедносно возило не го спушти на 12то место, од каде се бореше да се опорави.
Од другата страна на гаражата на Мекларен, Норис ја започна својата трка од 14то место, но никогаш не беше во комбинација за место меѓу првите десет поради бавната промена на гуми, кога Мекларен ненамерно ги удвои своите возачи.
Дополнително на штетата, британецот беше погоден и со казна од пет секунди од страна на стјуардите за брзо возење во боксовите.
Многу разочарувачко неделно попладне за нас во Монтреал. Ова беше тежок викенд генерално, со недостаток на темпо на болидот, проблеми со издржливоста и оперативен проблем во питстопот со двојно менување за време на периодот на виртуелно безбедносно возило.
Мораме да признаеме дека нашите конкуренти завршија подобра работа и затоа не заслуживме бодови денес.
Не им го дадовме на Ландо или на Даниел пакетот што го заслужија денес, па мораме да им понудиме извинување. Исто така, треба да го искористиме ова како можност за учење и да се вратиме посилни за две недели за нашата домашна трка во Силверстон.