Долгогодишниот технички шеф на Астон Мартин Формула 1, Ендру Грин, е преместен од должностите на тркачкиот тим за да го надгледува технолошкиот бизнис на компанијата.
Грин работеше заедно со Гери Андерсон како еден од дизајнерите на оригиналниот Џордан 191 во 1991 година, пред да замине за да се приклучи на тогаш новата екипа на БАР во 1998 година. Потоа имаше период во Ред Бул Рејсинг пред да се врати во тимот од Силверстон, тогаш познат како Форс Индија, во 2010 година.
Грин служеше како технички директор за Форс Индија, Рејсинг Поинт и Астон Мартин пред да ја превземе улогата на главен технички директор во Јуни 2021 година, откако тимот продолжи да ангажира врвен персонал.
Поранешниот шеф на Ред Бул Рејсинг за аеродинамика, Ден Фелоус, беше именуван за нов технички директор, иако правниот спор и задолжителното отсуство значеа дека тој не се приклучи до Април 2022 година.
Минатата сезона се чинеше дека Грин има помалку практичен ангажман од претходно. Тој сепак придонесе за развојот на новиот АМР23 пред неговото неодамнешно преселување во одделот Aston Martin Performance Technologies.
Како и другите тимови, Астон планира да го искористи своето техничко знаење од Формула 1 во други области, иако сè уште не е јасно кои проекти најверојатно ќе бидат реализирани, бидејќи АМПТ досега не откри ниту еден. Оддалечувањето од должностите во Ф1, исто така, треба да значи дека Грин не се смета во равенката за ограничување на трошоците на ФИА.
Во секој случај, Астон Мартин ќе мора да и покаже на ФИА дека Грин не работи на Ф1 проектот, или ако придонесе неколку дена, соодветно да ја распредели соодветната сума како трошок на Гранд При тимот.
Ја еволуиравме техничката структура – рече новиот технички шеф Фелоус за промените.
Искрено, сè уште се развива. Имавме неколку луѓе кои пристигнаа во текот на годината. Знаете дека ни се придружи Ерик Бландин, Лука Фурбато исто така И има некои други луѓе на клучни позиции кои дојдоа.
Таа техничка структура се развива, како што навлеговме во АМР23 и особено оваа година, пораснавме како група. Сега бараме да ги прошириме нашите способности во други области.
Тука доаѓа AMPT, Aston Martin Performance Technologies. Ендру Грин, тој е клучен технички лидер за оваа организација и ќе продолжи во таа позиција. Тој имаше голем придонес во тоа како го структурираме техничкото раководство на оваа компанија.
Тој продолжува да има значителен придонес во начинот на кој работиме, иако неговиот фокус ќе биде на страната AMPT.
Проширувајќи ја улогата на Грин, Фелоус додаде:
Тој е фокусиран на страната на нашиот бизнис што не е Формула 1. Очигледно го развиваме тоа органски, но вложуваме многу напор за да ја развиеме таа страна од бизнисот.
Имаме врски и со АМЛ, Aston Martin Lagonda, што е многу важно за нас. Тој навистина ги истражува сите можности да ја искористи нашата експертиза од бизнисот во Ф1, но и во пошироката група.
Тимскиот шеф, Мајк Крак потврди дека Грин е сè уште важен играч во таборот на Астон.
Организацијата расте и ни требаше некој со голема техничка експертиза да ги надгледува проектите што сакаме да ги направиме – рече Крак.
Тоа беше логичен избор. Од таа гледна точка, мислам дека имавме среќа да имаме некој како Ендру во нашата организација.
Ендру беше доста вклучен во АМР23. Ќе видиме како ова ќе се развива, но чувствувавме дека го проширивме бизнисот во други области, тркачки или нетркачки проекти и бевме среќни што имаме некој како него.