Тото Волф продава скапоцено Ферари ЛаФерари Аперта, дел од неговата скапоцена колекција автомобили.
Неколку месеци откако продаде дел од својата приватна колекција, австрискиот шеф на Мерцедес продолжува да прибира средства преку продажба на своите автомобили.
Се работи за кабриолет верзија на ЛаФерари произведена во само 210 примероци, а продажбата му е доверена на британски специјалист за такви трансакции. Новиот сопственик на возилото ќе добие и автограм од Волф на каросеријата на истото.
Иако сеуште не е објавена цената, секако дека Тото ќе сака да профитира од овој примерок кој во 2016 година кога го купил чинел 1,6 милиони евра.