Луис Хамилтон сака да го потпише новиот договор со Мерцедес до летната пауза, бидејќи не сака да го повтори одолговлекувањето при потпишувањето на претходниот договор.
Хамилтон и Мерцедес потпишаа едногодишно продолжување на договорот до крајот на оваа сезона во Февруари, откако долго време ги одложуваа преговорите.
Ова нема да биде последна сезона за Хамилтон кој и претходно изјави дека планира да остане на гридот со Мерцедес. Тој дојде до третата победа од четири трки и ова е најдобар старт за него во една Формула 1 сезона.
Не сакаме да се најдеме во позиција да го решаваме ова во јануари или февруари. Тоа ми го уништи целиот зимски одмор и верувам дека и на Тото не му помогнало.
Мислам дека не треба да ги форсираме работите и да сме одморени за преговори. Тие се многу комплексни. Не е едноставна процедура бидејќи и работата не е таква. Има уште 19 трки и би било убаво да се договориме до паузата – посака лидерот во поредокот.
Мерцедес има две слободни места на крајот на сезоната бидејќи и договорот на Ботас завршува оваа сезона. Џорџ Расел има договор до крајот на сезоната со Вилијамс и се очекува тој да се префрли во Мерцедес, но Волф смета дека е прерано да се дискутира за ова.
Хамилтон, кој е еден од најстарите возачи на гридот се пошегува дека сеуште има сила и дека се фокусира на неговата физичка кондиција.
Би рекол дека сум посвесен за моето дело и тренинзите. Тренирам долго сам и мислам дека многу растам и се чувствувам одлично.