ФИА ја врати лиценцата на меѓународната патека во Шангај за да и дозволи да биде домаќин на трки во Формула 1, а Големата Награда на Кина се очекува да се врати следната година.
Разбирливо е дека местото, кое е домаќин на Кинеското Гранд При од 2004 година, не можеше да ја одржи својата сертификација поради влијанијата на пандемијата од КOВИД-19. Претходната лиценца важеше за тригодишен мандат, но истече на крајот на 2019 година, непосредно пред глобалната здравствена криза да ги спречи претставниците на ФИА да патуваат за да ја завршат нивната инспекција.
Но, менаџерот на патеката, Џус Спортс, сега објави дека, почнувајќи од минатата година, биле извршени работи за поправка и одржување околу патеката. Поправена е површината на патеката, извршена е делумна поправка на ѕидовите плус подземниот поврзувачки тунел, освежување на седиштата на трибините и подобрувања на теренот. Овој напор уследи по проценката на федерацијата за автомобилски и мотор спортови на Кина (CAMF) во Август 2022 година.
Работата за поправка резултираше со тоа што Шангај доби уште една тригодишна лиценца на ФИА од 1 степен, единственото ниво што дозволува патеката да биде домаќин на Ф1 трки и тестирања. Според тоа, патеката е единствената патека во Кина во моментов способна да биде домаќин на Гранд При.
Кинеското ГП беше планирано во календарот за 2023 година за 16 Април во распоред од 24 трки. Сепак, како што нашироко се очекуваше, со оглед на тоа што регионите во земјата сè уште се соочуваат со епизоди на изолација, тоа беше откажано со што се создаде четиринеделна разлика меѓу трките во Австралија и Азербејџан.
Доколку Ф1 трка се одржи во 2024 година како што се очекуваше, инспекторот на ФИА ќе се врати на патеката за да го спроведе последниот преглед еден месец пред настанот.
По продолжувањето на договорот до крајот на 2021 година, локалните организатори имаат договор со Ф1 до 2025 година. Доколку Кинеското ГП добие зелено светло за 2024 година, локалниот промотер на трки работи на посебни настани за одбележување на 20 годишнината од првата Ф1 трка во земјата.