Франко Џиролами и тимот на ПСС Рејсинг го имаа својот најуспешен викенд до сега во ТЦР Европа првенството, со пол позиција и 2 победи, но од кои едната беше одземена поради протест и казна за аргентинецот.
Неговиот главен ривал, Микел Аскона и тимот на Волкано поднесоа протест дека Франко ја превзел позицијата на Аскона при истакнато жолто знаме, по што доби казна од неверојатни 30 секунди за пласман на 19то место. Сепак конкурентот за титула прикажа зошто е на самиот врв на првенството и во двете трки, но и со неверојатниот маневар кога го превзеде водството во трката во првиот свиок од Никола Барт.
За разлика од Верстапен и Хамилтон на истата патека и истиот свиок, Џиролами прикажа неверојатна способност без никаков контакт со неговиот противник. Погледнете и проценете сами.
View this post on Instagram