Формула 1 и Нетфликс објавија дека новата сезона, 5та по ред, на популарната документарна серија, Drive to Survive, ќе биде достапна за гледање на 24 Февруари.
Кус клип околу продолжението веќе е објавен како најава, а серијата ќе биде достапна за гледање на платфотмата точно една недела пред почетокот на Формула 1 сезоната. Но објавеното кусо видео се гледа Стефано Доменикали како зборува за промените во правилата кои се промовираа лани најавувајќи дека возачите ќе ги сакаат затоа што се како борци во Колосеум.
Откако беше отсутен со свои изјави од 4та сезона, Макс Верстапен повторно ќе зборува во ова издание од серијалот. Двократниот првак не сакаше да зборува пред камерите на Нетфликс затоа што беше загрижен дека американците преувеличуваат и прават приказна од се, но се премисли и ќе имаме чест да го гледаме на крајот на следниот месец.
Шеста сезона која ќе ја следи оваа година, а ќе се прикажува догодина веќе доби зелено светло за почеток со снимање.
Drive to Survive стена особено голема попупарност во Соединетите Америански Држави каде по емитувањето на првата сезона вртоглаво се зголеми популарност на спортот. Последната сезона е најдобро гледана до сега.
Formula 1: Drive To Survive returns February 24 — and here's your first look at Season 5! pic.twitter.com/17R4SAGck6
— Netflix (@netflix) January 12, 2023