Од Мекларен истакнаа дека видеото на кое се гледа Ландо Норис и неговиот тренер како користат шишиња со ладна вода за да поминат на проверката на температура во Австрија, не ја покажува вистинската приказна позади истото.
Краткото видео кое се појави на социјалните мрежи ги покажува двајцата како пристигаат на местото на проверка и се застанати откако проверката покажала висока температура. Двајцата потоа користат шишиња со ладна вода за да го изладат своето чело, а потоа се тестирани повторно.
Тоа доведе до прашања дали тие се обиделе да го измамат системот и да влезат на патеката и покрај тоа што имале покачена телесна температура. Сепак од Мекларен појаснија дека видеото не ги покажува вистинските околности околу тоа што се случило и тимот истакна дека тие сериозно ги сфаќаат протоколите за Корона вирусот. Инцидентот се случил во Четвртокот.
Норис и неговиот тренер стоеле на сонце 10 минути разговарајќи пред да пристигнат на влезот и кога им била измерена температура, кај двајцата покажало 50 степени. Со нормална температура од 37 степени, а смртно ниво од околу 44, јасно било дека измерената температура не е точна. На крајот, температурата им била повторно измерена и се покажала како нормална.
Before quali, Lando was denied entry to the paddock because his forehead temperature showed to be too high. He fixed that by… cooling his head with a water bottle 🤔
— Alejandro (@motorsport_geek) July 4, 2020
(🎥 credit to RTL) pic.twitter.com/w2i4iAz5us