Шпанецот Карлос Саинз сподели видео клип на кој се гледа како тој вози мала количка и прави „крофни“ на возраст од три години. Видеото потекнува од доцните деведесети кога неговиот татко Карлос Саинз Сениор беше шампионски рели возач.
Тој се вратил еден ден и видел како неговиот син слави правејќи „крофни“. Младиот шпанец изјави дека никој не го учел да ги прави туку тоа му било природно.
Татко ми се врати од рели и ме виде што правам. Немав ни три години, а ТОј се чудеше кој ме научил да возам така бидејќи тој не го направил тоа.
Најинтересно во ова видео е што правам нешто без никој да ме учи. Јасно е дека има генетика во мене и тоа ми е во крвта. Од мал сакав да се тркам иако не бев свесен што прави татко ми и како заработува.
На две-три-годишна возраст не знаев дека татко ми е рели возач и дека прави „крофни“ низ светот. Го имам тоа во мене откако сум роден. На три-четири години влегов во картинг и бев супер брз. ТОа е начинот на кој учев – објасни карлос.
Can you guess what’s special about this weekend? 1⃣??#carlossainz #smoothoperator pic.twitter.com/80zCCpv8py
— Carlos Sainz (@Carlossainz55) October 30, 2019