Екипата на Мекларен мораше да реагира на збунувачки твит од компанијата за енергетски пијалоци, Рич Енерџи, кои посочија кон можна зделка помеѓу нив и тимот од Вокинг, за која Мекларен изјави дека е само публицитет.
Во твит објавен од поранешните спонзори на Хаас, Рич Енерџи, наведоа дека е можен нов договор со хаштаг поврзувајќи ги Мекларен и нивниот партнер Рено.
Premium British performance with @rich_energy #RichEnergy #F1 #NewDeal #McLaren #RenaultF1 pic.twitter.com/sTXpIYz1Ab
— Rich Energy (@rich_energy) October 31, 2019
Директорот на Мекларен, Зек Браун, изјави дека бил изненаден кога го забележал твитот и бргу истакна дека нема никакви разговори и нема да има со Вилијам Стори околу можно партнерство.
Ми го испратија твитот и човекот очигледно сакал да привлече внимание кон себе. Не сум разговарал со него. Нема да разговарам со него. Мислам дека е обид за публицитет.
Браун вели дека очекува Мекларен да додаде нови спонзори во 2020 година, откако се очекува договорот со Петробрас да биде раскинат. Тој појасни дека договор помеѓу нивниот спонзор Huski Chocolate и Алфа Ромео за трката во Америка не е знак дека компанијата размислува да си замине.
Имаме долгорочен договор со нив. Фин Раусинг, ко-сопственикот на Алфа Ромео Ф1 и сопственикот на Хаски се од истата земја, Шведска и соработуваат.
Има добра соработка. Тие имаат многу луѓе присутни на патеката и сакаа да имаат поголемо внимание кон нив.