И повеќе од заслужено, Ландо Норис беше прогласен за возач на денот на Големата награда на Емилија Ромања.
Младиот британец тргна од 7то место и беше силно разочаран од вчерашните квалификации затоа што имаше време за 3то место, но му беше избришано поради надминување на границите на патеката.
Во 9от круг го мина Пјер Гасли за 6то место, во 18от круг тимот му помогна да го претекне Даниел Рикардо за 5то, а потоа доби позиција по грешката на Хамилтон. По рестартот и крајот на црвеното знаме го нападна и мина второпласираниот Шарл Леклер, а на крајот долго време го мачеше Луис Хамилтон пред да биде претекнат.