Абу Даби е град во подем. Нецелосно задоволни од најголемите резерви на нафта кои ги имаат во посед, регионот неодамна се фрли на масивни програми за развој. Еден од дијамантите на круната на Абу Даби секако е 5,55 километарската Јас Марина патека која за прв пат беше домаќин на Формула 1 трка на 1 Ноември 2009 година. Исто така, беше и прва трка на залез на Сонцето со моќно осветлување кое овозможуваше едноставен премин од ден во ноќ.

Лоцирана на спектакуларниот Јас Марина остров, патеката е создадена да биде револуционерна. Најголеми брзини од 320 кмч и просечни брзини од 195 кмч, 9 десни свиоци и 12 леви и една од неколкуте кои “се вртат“ обратно од стрелните на часовникот. Дизајнирана од реномираниот архитект Херман Тилке, пејсажите на Јас Марина се рамо до рамо со Монако и Валенсија. Патеката едноставно го обиколува гламурозното пристаниште и има повеќе од доволно место за огромни јахти.

Неколку иновативни елементи се вградени во самата патека како на пример Јас Вицерој Абу Даби хотелот со пет ѕвезди и 499 соби, 60 метарска соларна Сончева Кула која нуди луд поглед на одбрана група гости како и простор кај гаражите од кои се излегува преку тунел кој минува под патеката. Уште една работа која ја има само овдека се трибините за седење кои се целосно покриени за да ги заштитат гледачите од пустинското Сонце додека зградата кај боксовите располага со 40 гаражи кои се целосно климатизирани. Луксузот и првокласноста на се е тоа што го карактеризира Абу Даби.

При дизајнирање на патеката мислено е само на тркањето. Како и деловите кои минуваат до моретео има и други ултра брзи правци, меѓу кои и најдолгиот на календароте, тесни свиоци згодни за претекнување како и сектор кој личи на градска патека. Се на се, различните елементи се споени во едно за да се создаде една од најдолгите и најтешките патеки на светот каде неизвесноста и конкурентноста се загарантирани.