Себастијан Фетел е роден на 3 Јули 1987 година во Хепенхајм, Хесе, Западна Германија е најмладиот Формула 1 Светски шампион. Со аматерски картинг почна многу рано, уште на 3,5 годишна возраст, а на 11 години веќе влезе во Академијата на Ред Бул.

Возеше разни Формула БМВ, Формула 3 и Формула Рено класи, а првиот контакт со престижната Формула 1 го имаше 2005 година кога беше тест возач на БМВ Вилијамс, а следната на БМВ Заубер, кои први му дадоа шанса да се трка во 2007 година.

По само една трка во Заубер ја доврши годината во Скудерија Торо Росо, каде се натпреваруваше и во 2008 година, носејќи му ја на тимот единствената пбоеда во неговата историја. Следните 6 историски години ги мина во Ред Бул, а од почетокот на минатата година е во Скудерија Ферари.

На 199те трки колку што ги извозел во Формула 1 има 99 подиуми, 47 победи и 4 шампионски титули (2010 – 2013 година). Годинава му е трета од вкупно 3те на колку гласи неговиот договор со тимот од Маранело.