Шефот на Ферари, Матиа Биното, откри што влијаело на одлуката на тимот да му дозволи на Карлос Саинз да го задржи третото место на Големата Награда на Бразил.
Стравот на Ферари од потенцијална временска казна бил клучна причина зошто тие избраа да го задржат Карлос Саинз пред тимскиот колега Шарл Леклер на Големата Награда на Бразил, откри Биното.
Леклер го молеше тимот во последните кругови да го наследи подиумот на Саинз во неговиот обид да освои дополнителни поени пред Серхио Перез во нивната битка за второто место во шампионатот за возачи. Сепак, Скудерија го одби барањето, што значи дека Леклер освои 12 поени за четвртото место, што заедно со шестте на Перез за седмото место, ги изедначи двајцата возачи на 290 поени пред финалето на сезоната во Абу Даби.
По трката, шефот Биното објасни како конфузијата со Јуки Тсунода значела дека тимот не се чувствувал удобно да ги замени местата среде борбата на Ферари со Мерцедес кај конструкторите.
Иако Тсунода беше еден круг зад сите, возачот на АлфаТаури стана централна фигура во трката на Ферари кога беше откриена дупка во системот на ФИА за време на доцниот период на безбедносно возило. Поради тоа, јапонскиот тркач не можеше да се врати во водечкиот круг и остана меѓу најбрзите возачи за време на рестарот.
Откако трката продолжи, тој брзо се повлече на левата страна на патеката за да се тргне од патот, но Биното откри дека тимот верувал дека биле под истрага за инцидентот.
Прво, заменувањето на двата болида во последниот круг беше секако незгодно бидејќи Шарл ги имаше Фернандо Алонсо и Макс Верстапен веднаш зад себе.
потоа, Знаевме дека сме под истрага за тоа што се случи зад безбедносното возило со Тсунода. Во тоа време бевме ослободени од контролата на трка, така што бевме прилично удобни, но без да имаме одговор по ова прашање, ќе беше ризично да ги замениме болидите.
Бидејќи казна од пет секунди, на пример, тогаш би значело дека Карлос би изгубил повеќе од една позиција, па за шампионатот на конструктори, секако беше подобро да се задржиме на позициите на патеката – објасни биното.
Што се однесува до конструкторите, Ферари има 19 поени предност пред Мерцедес пред последната трка од сезоната.