Претсојното Британско Гранд При ќе биде првиот настан на кој ќе се воведе за прв пат во Формула 1 историјата спринт трка односно спринт квалификации кои ќе го одредат стартниот поредок за главниот настан во Недела.
За оваа сезона се предвидени три спринт квалификации како проба, Силверстон, а потоа Монца се потврдени домаќини, а за третиот настан во конкуренција се Америка и Бразил. Промената е историска, а да видиме како тоа квалификацискиот систем се менувал во 71-годишната историја на спортот.
Дводневен формат 1950 – 1995
Неверојатни 46 години Формула 1 го задржа истиот квалификациски систем со една сесиј во Петок и втора во Сабота. Најбрзото време од двата дена го одредуваше стартниот поредок, едноставно, но не премногу возбудливо.
“Бркотница“ од еден час 1996 – 2002
Од 1996 година, квалификациите се одржуваат само во Сабота попладне, а тогаш секој возач имаше 12 кругови да постави најбрзо време и на тој начин се одредуваше гридот. Едноставен формат.
Квалификации од еден круг 2003 – 2004
Возачите се појавуваа еден по еден во Петок согласно поредокот во шампионатот и тие кругови го одредуваа редоследот на возење во Сабота. Во Сабота возачите возеа по обратен ред од постигнатото претходниот ден и сите имаа по еден круг. Дополнително, квалификациите се возеа со полн резервоар.
Во 2004 година, двете сесии се одржуваа во Сабота, а негативно за овој формат беа условтите на патеката кои непредвидено можеа да помогнат или одмогнат на некого.
Агрегатни (вкупни) квалификации 2005 (шест трки)
Во 2005 година Берни Еклстон реши да го промени кваификацискиот систем со агрегатен формат каде времињата постаени во текот на една квалификациска сесија се собираа и на тој начин го одредуваа гридот.
Во Сабота попладне секој возач имаше право на круг со празен резервоар, а во Недела имаше право на круг со горивото со кое ќе стартува на трка. Форматот беше страшно непопуларен кај фановите и медиуми кои се жалеа дека не можеа да го објават стартниот поредок во своите неделни изданија.
По шест трки, форматот беше напуштен и спортот се врати на квалификациите со еден круг само во Сабота.
Нокаут квалификации 2006 – 2009
Во 2006 година беше воведен системот кој беше многу сакан, квалификациите беа поделени на три делови, а најбавните возачи беа елиминирани во секој сегмент, а бројот на елиминираните варираше секоја сезона во однос на бројот на пријавени возачи на гридот.
По секој сегмент, поставените времиња не се пренесуваа, исто како и денеска. Форматот беше возбудлив затоа што секогаш имаше можност добар возач да не испораќа во првиот или вториот сегмент и да стартува о дпозадина.
Проблемот беше што во последниот сегмент возачите мораа да се квалификуваат со горивото кое го носат на трка, а фановите сакаа брзи кругови со минимално гориво.
Актуелен формат 2010 – 2015
Со напуштање на долевањето на гориво, квалификациите дозволија максимални перформанси со празен резервоар на квалификации. Првично, стартот на трката мораше да се спроведе со гумите од најдобриот круг во последниот сегмент, но потоа тоа се смени дека стартот мора да се одработи со гумите од средниот сегмент.