Џуулијано Алези ја напушти Академијата за млади возачи на Ферари, завршувајќи го своето петгодишно учество во младинскиот погон од Маранело и оваа година треба да се натпреварува во Јапонија.
Алези, син на победникот на Големата Награда на Канада во 1995 година и поранешен тркач на Ферари, Жан, се приклучи на програмата на Ферари пред да премине во ГП3 серијата во 2016 година.
Алези оствари четири победи и најдобра сезона со петто место во поредокот, доаѓајќи до Формула 2 во 2019 година, со 5то место како највисок пласман на трка. Французинот седна зад воланот на СФ71Х со спецификациите на Ферари од 2018 година во Понеделник во Фиорано, како дел од петдневниот тест на тимот со список на повеќе возачи.
Ферари потоа потврди дека Алези нема да продолжи со Академијата во 2021 година и дека наместо тоа, ќе ја продолжи својата кариера во јапонска серија со отворени едноседи.
Би сакал да им се заблагодарам на Ферари и ФДА за оваа фантастична можност.
Да се биде во кокпитот на СФ71Х беше неверојатно возбудливо како и возењето со болидот на патеката додека ме следи татко ми, гледајќи го истиот број на трка што тој го користеше.
Во однос на управувањето, болидот не е премногу тежок за возење, но моќноста беше изненадувачка и изгледа дека никогаш не завршува. Импресивна е и непосредноста и ефикасноста на сопирањето.
Овој тест беше најдобриот можен начин да се збогувам со Ферари. Сега ме чека нова авантура во Азија и едвај чекам да започне – изјави Алези.