По интересниот и возбудлив викенд за Големата награда на Сингапур пред две недели, организаторите на Марина Беј веќе почнаа да продаваат влезници за настанот следната година.
Првата ноќна трка во Формула 1 календарот е присутна низ улиците на Сингапур од 2008 година на патека со 23 кривини и тропски временски услови поради кои важи за една од најтешките трки во календарот. За фановите, прескапиот Сингапур гарантира провкласен тркачки настан и музика во живо од врвни изведувачи.
Влезниците за настанот кој треба да се одржи догодина веќе се пуштени во продажба откако годинава имаше драматична трка во Октомври возена под дожд, каде возачите често грешеа, а најприсебен беше Серхио Перез кој победи.
За време овогодинешното издание на трката имаше концерти на Marshmello, Green Day и the Black Eyed Peas, а по трката свој перформанс имаа Red Hot Chilli Peppers, Fat Boy Slim, Liam Gallagher, Simply Red, Dua Lipa, Ariana Grande и Calvin Harris.
Следното издание на трката ќе се случи 15-17 Септември.