Патеката Марина Беј во Сингапур ќе има значителни промени во пресрет на следната Гранд При трка.
Четири кривини ќе бидат отстранети од патеката, така што бројот на свиоци ќе се намали од 23 на вкупно 19, односно повеќе нема да ги има кривините 16, 17, 18 и 19 како резултат на промени на Марината. Работите во градот треба да завршат до кратјо на 2026 година, но промените на самата патека ќе бидат имплементирани за следното издание на трката во 2023 година.
Со промените ќе се појави нов правец од 397,9 метри од 15та кривина до целосно новиот свиок број 16, така што целата патека ќе биде долга 4,928 километри, а поради тоа ќе се возат два кругови повеќе. Но, планот е за 2024 година патеката да се врати во оригиналната форма штом работите низ градот во тој дел од Марината бидат завршени.