Поранешниот Формула 1 првак, Емерсон Фитипалди, очекува да заврши хармоничното партнерство помеѓу Серхио Перез и Макс Верстапен во Ред Бул.
“Биковите“ тврдат дека му е дозволено на Перез да се трка со Верстапен и да се бори за титулата, но реалноста е друга. Два пати имаше тимски наредби за Перез да се тргне и Верстапен да помине, а разликата во поени по Баку беше 21 додека сега е 57.
Мислам дека ќе му биде тешко на Чеко понатаму. Имам чувство дека тој е самоуверен и дека со неговата брзина и талент не сака да биде во сенка на Макс, но Тоа е реалноста.
Тој е многу силен. Мислам дека ќе биде интересно до крај на годината, посебно борбата внатре во тимот. Верувам дека ќе имаат конфликт поради неговите перформанси, Но и Макс не забавува. Тој е шампион и неверојатен талент. Тој води во шампионатот – смета бразилецот.
Фитипалди посочи дека двајцата ќе се борат и сега во Франција.
Сигурен сум дека двајцата се добри конкуренти. Мое мислење е дека Перез станува се посилен. Тој има цел да победи а има и талент и брзина.