Луис Хамилтон верува дека Мерцедес наскоро ќе се вратат на победите по тешкиот почеток на сезонава.
Актуелниот конструкторски шампион има серија без победи од минатата година и се мачи да се справи со новите правила. По неколкуте подиуми пред летната пауза, Мерцедес е на трета позиција во шампионатот, а Хамилтон верува дека наскоро ќе ја прекинат сушната серија.
Дефинитивно се подобруваме, имаме напредок и ќе продолжиме да работиме. Болидот се повеќе наликува на тркачки и се нормализираат работите.
Последната трка не беше најдобра, но мислам дека ја намалуваме разликата. Нормално е дека е тешко, но работиме на подобрување – вели седумкратниот шампион.
Хамитлтон веќе 14 трки нема победено, а претходната ваква серија ја имаше во 2009 и 2013 година. Ендру Шовлин, главниот инженер на патека кај “сребрените стрели“ додаде дека во текот на летото тимот дефинитивно бил шокиран и дека ќе се поправат.
Колегата на Хамилтон, Џорџ Расел дополни дека наскоро може да победат и дека сезоната била доста инспиративна.
Се согласувам со довербата, Мислам дека многу напредувавме, Донесовме перформанси и мислам дека ќе напредуваме по летната пауза. Инспирирачки е што тимот успеа да се справи со проблемите и дава се од себе.