Луис Хамилтон по потпишувањето на новиот договор ќе остане во Мерцедес уште најмалку две години.
Британецот од Мерцедес призна дека е изненаден од долготрајноста на неговата Формула 1 кариера.
Пред викендот за Големата Награда на Италија, Мерцедес потврди дека Хамилтон ќе остане барем до крајот на сезоната во 2025 година.
Тоа значи дека седумкратниот светски шампион ќе има 40 години кога неговиот последен договор ќе истече за нешто повеќе од две години.
Хамилтон моментално е вториот најстар возач на гридот, зад само поранешниот тимски колега од Мекларен, Фернандо Алонсо, кој е три и пол години постар од него.
Да, дефинитивно – изјави Хамилтон за медиумите на прашањето дали е изненаден од должината на неговиот ангажман во Ф1, кој вклучува 323 старта до сега.
Дефинитивно не мислев дека ќе бидам на возраста на која сум и како се чувствувам физички и психички и дека сè уште го сакам тоа што го правам.
Тоа е нешто за што сум неверојатно благодарен.
И покрај серијата невидени успеси проследени со пад во редоследот во последните две години, Хамилтон тврди дека се уште е заљубен во спортот.
Мислам дека многу луѓе остануваат на истите работни места и улоги долго време и не се заљубуваат во тоа, но продолжуваат да одат затоа што тоа е можеби единственото нешто што можат да го направат – рече тој.
Но за мене, јас навистина сè уште ја имам таа љубов кон она што го работам. Сè уште сакам да влезам во болидот. Сè уште сакам да се тркам со моите врсници, да работам заедно со Боно и сите момци во тимот, бркајќи ја таа заедничка цел и сон.
Го сакам тоа чувство. И кога ги имате падовите заедно и кога ги имате подемите заедно, нема ништо што се споредува со тоа.